چهارشنبه , جنوري 20 2021
کور / خبرونه / پاکستان / فضل الرحمن:پاکستان کې د نانځکې حکومت دی،واک یې له بل سره دی

فضل الرحمن:پاکستان کې د نانځکې حکومت دی،واک یې له بل سره دی

د پاکستان د جمعيت علما اسلام مشر فضل الرحمن، چې د عمران خان پر حکومت سختې نيوکې کوي، تازه يې ويلي چې «هېواد کې د نانځکې حکومت دی نور خلک يې چلوي».

لاهور ښار کې رسنيو سره د خبرو پر مهال فضل الرحمن ويلي، چې «هېواد کې حکومت نه شته، د جعلي سړي حکومت دی او دا حکومت يو بل څوک اداره کوي، خو سټيرنګ (جلب) ته بل څوک ناست دی».

د جمعيت علما اسلام مشر زیاته کړې ده، چې د هېواد سياسي وضعيت د مشرف او شوکت عزيز د واکمنۍ د وخت وضعيت وړاندې کوي، په دوو مياشتو کې په هېواد کې ډېرې خرابۍ راپيدا شوې دي، هېواد کې ګراني زياته شوې او د دکتاتورۍ چاپيريال جوړ دی.

د يادونې وړ ده چې فضل الرحمن څه موده مخکې پر عمران د نيوکې پر مهال ويلي و، چې «ستا کار د تشنابونو پاکول دي، حکومتولي نه ده».

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: