چهارشنبه , مارچ 3 2021
کور / خبرونه / بين المللي / قریشي: امریکا په افغانستان کې د خپلو ماتو پړه پر پاکستان اچوې

قریشي: امریکا په افغانستان کې د خپلو ماتو پړه پر پاکستان اچوې

اسلام اباد وايي امریکا په افغانستان کې د خپلو ماتو له امله پاکستان ملامتوي. د پاکستان د بهرنیو چارو وزیر محمود قریشي له فاکس نیوز سره په خبرو کې ویلي، دوی دا مسئله درک کړې چې د پاکستان ثبات د افغانستان په ثبات کې دی. دده په خبره له همدې امله پاکستان هڅه کوي د افغانستان په ثبات کې ونډه واخلي او طالبان د خبرو مېز ته حاضر کړي. قریشي وویل، امریکا په ډيری مواردو کې په افغانستان کې پاتې راغلې ده، نو ځکه ډېر کله پړه د پاکستان پر غاړه اچوي. هغه وايي له کومې ورځې چې ټرمپ ولسمشرۍ ته رسېدلی دی د امریکا او پاکستان اړیکو ښه ورځ نه ده لیدلې. دده په وینا ددواړو هېوادونو ترمنځ کشمکشونه زیات شوي دي او امریکا غواړي د فشارونو له لارې پاکستان دې ته تیار کړي چې د ترهګرۍ پر ضد اقدامات ډېر کړي. نوموړي په دې مرکه کې دا تورونه هم رد کړي چې ګواکي پاکستان دترهګرو ملاتړ کوي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *