پنجشنبه , اګست 16 2018
کور / خبرونه / افغانستان / له افغانستان د امریکايي ځواکونو وتل پېچلې او ستونزمنه مسئله ده.

له افغانستان د امریکايي ځواکونو وتل پېچلې او ستونزمنه مسئله ده.

له افغانستان د امریکايي ځواکونو وتل پېچلې او ستونزمنه مسئله ده. نشنل انټرسټ نشریه په خپله یوه مقاله کې لیکي، په افغانستان کې د امریکايي ځواکونو جګړه اوږده شوه، خو لا هم ددغه سرتېرو د وتلو په اړه ګڼې پوښتنې موجودې دي. نشریه زیاتوي، ډېری په دې باور دي، چې امریکا په افغانستان کې ددایمي پاتې کېدو په لټه کې ده، یوه ډله بیا وايي، چې امریکا غواړي پاکستان نا امنه کړي، څو د چین سترې پروژې بریالۍ نه شي، یوه ډله بیا وایي چې امریکا غواړي د پاکستان اټومي وسلې وساتي نو له دې امله ددوی موجودیت په افغانستان کې ضروري دی. نشنل انټرسټ لیکي، د افغانستان جګړه او په افغانستان کې د امریکايي نظامیانو موجودیت یوه پېچلې مسئله ده، چې ګڼې پوښتنې له ځان سره لري. د نشریې په وینا هر څه چې وي خو د افغانستان جګړه اوس په اوولسم کال کې ده او ورځ په ورځ خونړۍ کېږي، چې دا مسئله نه یوازې د امریکا ماتې ښيي، بلکې له خلکو د جګړې اصلي هدف هم ورک شوی دی.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *