له افغانستان نه ۲۰۰ امریکایي عسکر ووزي

د لویدیځو رسنیو د راپورونو ترمخه ټاکل شوې ده، چې د روانې اونۍ تر پایه به ۲۰۰ امریکايي پوځیان له افغانستانه ووزي.
امریکايي رسنۍ وايي، له افغانستانه ستنېدونکو ۲۰۰ امریکايي پوځیانو په افغانستان کې لږ تر لږه ۹ میاشتې دنده ترسره کړې او ټاکل شوې ده، چې د امریکا په کنتاکي ایالت کې نوره پوځي روزنه ترلاسه کړي او د اړتیا پرمهال بیا په افغانستان او یاهم کوم بل جنګي ډګر کې استعمال شي.
د امریکايي پوځیانو ۲۰۰ کسیزه ډله په داسې مهال له افغانستانه د وتلو اعلان کوي، چې ټاکل شوې ده له افغانستانه د ټولو امریکايي پوځیانو د ایستلو لپاره امریکايي چارواکي له طالبانو سره یوې هوکړې ته ورسیږي.