جمعه , فبروري 26 2021
کور / خبرونه / افغانستان / لوګر ولایت کې یو لوړ پوړی امریکايي عسکر وژل شوی

لوګر ولایت کې یو لوړ پوړی امریکايي عسکر وژل شوی

د لوګر ولایت د امنیه قوماندانۍ ویاند شاه پور احمدزي تأییدوي چې نن هغه جګړه پای ته رسیدلی چې له تیرو درو ورځو راهیسي یې د بهرنیو ځواکونو په ملتیا د طالبانو پرضد پیل کړي وه. نوموړی زیاتوي چې د طالبانو یو تن قومندان اسدالله چې په معتصم مشهور و؛ په یاده جګړه کې وژل شوی، مګر د خپلو او یا بهرنیو ځواکونو د تلفاتو په اړه یې څه نه دي ویلي. خو طالب ویاند ذبیح الله مجاهد رسنیو ته په استولي خبرپاڼه کې ویلي: چې یو لوړپوړی امریکایی پوځي افسر یې د یادي جګړې په ترځ کې وژلی دی. مجاهد وایی: یاده قوه درې ورځې وړاندې د محمداغې ولسوالۍ آب پران سیمې ته راغلې وه؛ چې په وینا یې، د درنو تلفاتو له لیدلو وروسته بیرته وتښتېدله. نوموړی زیاتوي: د دښمن ۲ ټانګونه په بشپړ ډول ویجاړ شوي، د یوه مهم امریکايي نظامي افسر په ګډون یې ګڼ شمېر نورو عسکرو ته هم مرګ ژوبله واوښته. د سیمي خلکو هم تأیید کړي چې د بهرنیو او داخلي عسکرو هغه ځمکنۍ قوه چې درې ورځې وړاندې لوګر ته تللې وه، بېرته کابل ته ګرځیدلي. خو زیاته کړي یې ده چې عسکرو ۵ تنه عام کلیوال هم له ځان سره بیولي. د خلکو په وینا په دغه جګړه کې د دوی کورونه هم بمبار شوي او زیات مالي زیانونه ورته رسیدلي دي. د طالب ویاند د دغي ادعاء په اړه چې وایی مهم امریکایی افسر یې وژلی؛ حکومتي لوري او یا هم بهرنیو ځواکونو تراوسه کوم سپیناوی نه دی کړی.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *