یکشنبه , مارچ 7 2021
کور / خبرونه / افغانستان / مشرانو جرګې ځينې غړي د خليلزاد له خوا د سولې وروستيو هڅو ته هيله من دي

مشرانو جرګې ځينې غړي د خليلزاد له خوا د سولې وروستيو هڅو ته هيله من دي

مشرانو جرګې ځينې غړي د خليلزاد له خوا د سولې وروستيو هڅو ته هيله من دي او د ملي يووالي ستره مجمع د جوړېدو هڅې ستايي، خو پر ټاکنيزو کمپاينونو بريدونو اندېښمن کړي دي. افغان الاصله امريکايى زلمی خلیلزاد د تېرې مياشتې په لومړيو کې د افغان سولې لپاره د امريکا ځانګړى استازى وټاکل شو. نوموړي په همدې لړ کې سفرونه پیل کړل او له ګڼو کسانو سره یې لیدنې وکړي. د مشرانو جرګې ګڼو غړو د نوموړي هڅو ته هیله مندي وښوده او په خبره یې دلته روانه جګړه پردۍ ده او باید له ټولو ښکېلو خواوو سره خبرې وشي. د سناتور ګل احمد اعظمي په وینا دلته روانه جګړه، د هند، پاکستان، ایران، روسیې، امریکا او عربو جګړه ده نو له همدې اړخونو سره د خبرو له لارې دغه جګړه ختمېدلی شي. د مشرانو جرګې غړي وايي نور ددې وخت دی چې افغان جګړه د خبرو او مذاکراتو له لارې پای ته ورسول شي. دوی پر طالبانو هم غږ وکړ، چې له جګړو لاس واخلي او خپلې غوښتنې له مشروع لارو تر لاسه کړي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *