پنجشنبه , فبروري 25 2021
کور / خبرونه / افغانستان / ملګري ملتونه وایي، غزني ښار په ماینونو پوښل شوی دی

ملګري ملتونه وایي، غزني ښار په ماینونو پوښل شوی دی

ملګري ملتونه وایي، غزني ښار په ماینونو پوښل شوی دی، نو له دې امله د دوی مرستندویه ډلې نه شي کولی یاد ښار ته ننوځي. د دې دفتر ویاند ینس لارک ویلي، چې غزني ښار ټول په ماینونو پوښل شوی دی او د دوی مرستندویه ډلې نه شي کولی د مرستو رسولو لپاره یاد ښار ته لاړې شي. هغه دغه راز ویلي چې د غزني په پنځه ورځنۍ جګړه کې شاوخوا ۲۵۰ کسان وژل شوي دي. یاد دفتر په داسې حال کې دا څرګندونې کوي چې پر غزني ښار د طالبانو له پنځه ورځنۍ جګړې وروسته ولسمشر غني هم د تېرې جمعې په ورځ غزني ته سفر وکړ. د ارګ د خبرپاڼې له مخې غني یاد ولایت ته په خپل سفر کې د یادې پیښې د بشپړې څېړنې تر څنګ ویلي، چې د دې ولایت د بیا رغوونې لپاره به ۲۰ میلیونه ډالر ځانګړي کړي. طالبانو اونۍ وړاندې د جمعې په شپه پر غزني ښار له څلورو لوریو برید ونه وکړل چې په پایله کې یې دواړو لوریو ته د درنې مرګ ژوبلې تر څنګ ګڼ ملکیان هم ووژل شول او دغه راز یې عامه شتمنۍ هم خورا زیاته زیانمنه کړه. د سوداګرۍ خونه وایي چې په یاده جګړه کې خلکو ته ۵۰ میلیونه ډالر زیان اوښتی دی. په ورته وخت کې ولسمشر، غزني ته په خپل سفر کې د تخریب شوې عامه شتنمۍ په اړه څه نه دي ویلي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *