جمعه , اکتوبر 30 2020
کور / خبرونه / پاکستان / مولانا سمیع الحق:طالبانو نه مو د سولې غوښتنه نده کړي

مولانا سمیع الحق:طالبانو نه مو د سولې غوښتنه نده کړي

د مولانا سمیع الحق په مشری د دارالعلوم حقانیه چارواکو هغه راپورونه رد کړل چې ګواکې د یاد مدرسې مرستیال مولانا انور الحق له افغان طالبانو غوښتی چې د سولې په بهیر کې ګډون وکړي.

د حقانیه مدرسې یوه ویاند ډیلي ټایمز ورځپاڼې ته ویلي، چې د مولانا انور الحق په حواله خپاره شوي راپورونه حقیقت نه لري.

نوموړی زیاته کړه، چې د افغانستان په اړه د دیني عالمانو په غونډه کې مولانا انورالحق په دې اړه څه نه دي ویلي.

دا په داسې حال کې ده چې تېره ورځ د مولانا انورالحق په حواله داسې راپورونه خپاره شول چې ګواکې نوموړی له وسله والو طالبانو غوښتی چې جنګ څخه لاس واخلي او د سولې په بهیر کې ګډون وکړي.

مولانا سمیع چې د طالبانو د پلار په نامه مشهور دی او د حقانیه مدرسې بنسټ ایښودونکی دی چې ځينې مهم طالب مشران له دغه مدرسې څخه فارغ شوي دي.

دا په داسې حال کې ده چې د مولانا سمیع الحق مرستیال او یو شمېر نور پاکستاني دیني عالمان په اندونزیا کې د افغاستان د جګړې په اړه په جوړه شوې غونډه کې ګډون کړي وو.

د غونډې په پایله کې د افغانستان، پاکستان، او د اندونزیا دیني عالمانو له طالبانو وغوښت ترڅو له جګړې څخه لاس واخلي او د سولې په اړه د ولسمشر غني وړاندیز ته مثبت ځواب ورکړي

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: