ناټو د علماوو غونډې هر کلي کړی دی

په افغانستان کې د ناټو غوڅ ملاتړ ماموریت له لوري په خپره شوې خبرپاڼه کې راغلي، ترهګر غواړي د سولې لپاره د افغانانو غږ چوپ کړي خو امریکا او ناټو د افغانانو تر څنګ ولاړه ده. په خبرپاڼه کې راغلي چې د افغانستان دیني علماوو دلته روانه جګړه حرامه بللې ده او له طالبانو یې غوښتي چې د سولې له پروسې سره یو ځای شي. سرچینه کاږي ناټو هم د افغان علماوو دغه پرېکړه پر ځای بولي او هر کلی یې کوي. ناټو ویلي دوی ددغه پرېکړې ملاتړ او دفاع کوي او په دې سختو شرایطو کې د افغانانو تر څنګ ولاړ دي. دیني علماوو تېره ورځ په یوه ستره غونډه کې په افغانستان کې روانه جګړه ناروا وبلله او پر طالبانو یې غږ وکړ چې د سولې له پروسې سره یو ځای شي.