دوشنبه , مارچ 1 2021
کور / خبرونه / افغانستان / ولسمشر غني وايي، هیڅوک حق نه لري له پولیسو سره له زوره کار واخلي

ولسمشر غني وايي، هیڅوک حق نه لري له پولیسو سره له زوره کار واخلي

ولسمشر غني وايي، هیڅوک حق نه لري له پولیسو سره له زوره کار واخلي. نوموړي زیاته کړې که چېرته چا داسې کار وکړ، د تثبيت او پېژندو پرمهال په له قانوني تعقيب سره مخامخ شي. له ارګه په خپرې شوې خبرپاڼه کې راغلي، چې ولسمشر غني تېره ورځ ناوخته د کورنیو چارو وزارت له امنیتي معین، د کابل له امنیه قومندان او د کابل ښار د پولیسو د حوزو له امرینو سره په کتنه کې د هغوی ستونزې او وړاندیزونه اورېدلي دي. سرچينه کاږي، دغه کتنه، د کورنیو چارو وزارت ستر امنیتي معین لوی پاسوال اختر محمد ابراهیمي او د کابل امنیه قومندان مل پاسوال محمد داوود امین د کابل ښار د عمومي امنیتی وضعیت، ننګونو، ستونزو، حللارو او راتلونکو پلانونو په اړه خبرې وکړې. د خپرپاڼې له مخې، ولسمشر زیاته کړه، د وسایطو او تجهيزاتو په برخه کې د پولیسو د اړتیاوو د رفع کولو لپاره دې جدي توجه وشي. پولیس او د هېواد ټول اوسېدونکي مکلف دي چې قانون رعایت کړي او هیڅ فرد نه شي کولی د پولیسو پر ضد له زوره کار واخلي چې د تثبیت او پېژندو په صورت کې به له قانوني تعقیب سره مخامخ شي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *