سه شنبه , مې 26 2020
کور / خبرونه / افغانستان / وکیلان: جاسوسان او د پردیو غلامان د برېښنايي پېژندپاڼو مخالفت کوي

وکیلان: جاسوسان او د پردیو غلامان د برېښنايي پېژندپاڼو مخالفت کوي

په ولسي جرګه کې د برېښنايي پېژندپاڼو د وېش پر سر پراخې ناندرۍ راولاړې شوې دي. د ولسي جرګې یو شمېر غړو په نننۍ غونډه کې وویل، چې ولسمشر د قانون خلاف د برېښنایي پېژندپاڼو د وېش لړۍ پیل کړې ده. ځینې وکیلانو ویل، چې دوی افغانان نه دي او د ولسمشر دغه کار د قانون خلاف دی. خو د ولسي جرګې مشر عبدالروف ابراهیمي بیا وویل، چې د پېژندپاڼو ويش قانوني دی ځکه ولسمشر د قانون له مخې دغه پروسه پيل کړې ده. د ولسي جرګې اکثریت غړو بیا د هغه وکیلانو خبرې وغندلې، چې ځانونه افغانان نه بولي او د پېژندپاڼو د وېش مخالفت کوي. د دغه ډلې استازو په وینا ټول هغه کسان چې په افغانستان کې ژوند کوي افغانان دي او د یوه ملت تر نامه لاندې بېل قومونه خپل ژوند ته ادامه ورکوي. د وکیلانو په خبره هغه کسان چې ددې لړۍ مخالفت کوي، جاسوسان دي او له سفارتخانو هڅول کېږي څو له دغه ملي پروسې سره مخالفت وکړي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: