پنجشنبه , جنوري 21 2021
کور / خبرونه / بين المللي / ټرمپ: د سعودي عرب د خبریال قاشقجي د وژل کېدو خبره درواغ ده

ټرمپ: د سعودي عرب د خبریال قاشقجي د وژل کېدو خبره درواغ ده

د امریکا متحده ایالتونو ولسمشر ډونالډ ټرمپ د جمال خاشقجي د تري تم کېدو په اړه د سعودي عربستان په توضیحاتو په انتقاد سره وویل چې هغوی په ډاګه دوکه کړې او دروغ یې ویلي دي.

په واشنګتن پوسټ کې په‎دې اړه د یوې خپرې شوې مرکې په اساس ډونالډ ټرمپ له خپل پخواني دریځ په شاه شوی چې ویلي یې و د سعودي دریځ چې جمال خاشقجي په یوه شخړه کې وژل شوی د باور وړ دی.

ټرمپ داسې وخت خبره کړې چې پرون د اکتوبر په یوویشتمه بریتانې، فرانسې او جرمني هم په یوه ګډه اعلامیه کې د جمال خاشقجي وژنه غندلې او د هغه څه په اړه چې شوي د سپیناوي غوښتنه کړې.

جمال خاشقجي په استانبول کې د سعودي عربستان په کنسولګرۍ کې وژل شوی دی.

د ترکیې جمهور رئیس رجب طیب اردوغان وویل، سې شنبه به د دې وژنې په اړه رښتیا په ډاګه ووايي.

جمال خاشقجي په امریکا کې اوسېده خو د خپل اصلي هېواد سعودي عربستان په اوسني رژيم یې انتقادي لیکنې کوې.

خاشقجي د یوه رسمي سند د اخېستلو لپاره د اکتوبر په دوهمه په استانبول کې د سعودي عربستان کنسولګرۍ ته ورغلی و چې بیا یې مړی او ژوندی ترڅو ورځو ورک و او اوس عربستان منلې چې دی د سعودي له ځینو چارواکو سره په لانجه کې وژل شوی.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: