سه شنبه , جنوري 26 2021
کور / خبرونه / بين المللي / ټرمپ رسنیو ته د سمولو ګواښ کړی دی

ټرمپ رسنیو ته د سمولو ګواښ کړی دی

ټرمپ وایي، رسنۍ دې له ښکاره او نه ختمېدونکې دښمنۍ لاس پر سر شي. د امریکا ولسمشر ډونالډ ټرمپ یادې څرګندونې نن سهار د امریکا د استخباراتو ادارې د راپور په اړه په وینا کې کړې دي. د امریکا د استخباراتو ادارې پرون وویل، چې د پخواني ولسمشر بارک اوباما او د بهرنیو چارو د پخوانۍ وزیرې هیلري کلینټن په ګډون یو شمېر مخکښو ډموکراټانو ته مشکوک بمونه وراستول شوي دي. یادې ادارې ویلي، چې لږ تر لږه ۴ بستې چې مشکوک بمونه پکې وو، په لاس ورغلي دي. یادې مسئلې په امریکا کې چې د نومبر په ۶مه نیټه پکې ټاکنې کېږي سیاسي کړکېچ رامنځته کړی دی. ټرمپ نن وویل، چې د دې کار عاملان به ونیسي، خو پر رسنیو یې هم غږ وکړ چې له منفي معلوماتو او ناسمو راپورونو دې لاس پر سر شي. ټرمپ دغه راز ویلي، هیڅ ډول کړکېچ د امریکایانو په منځ کې وجود نه لري نو رسنۍ دې هم په دې برخه کې پوره متوجه اوسي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: