یکشنبه , جنوري 24 2021
کور / خبرونه / پاکستان / پاکستان:طالبان زمونږ په جېبونو کې نشته امریکا دې خپله ستونزه ورسره حل کړي

پاکستان:طالبان زمونږ په جېبونو کې نشته امریکا دې خپله ستونزه ورسره حل کړي

د پاکستان د بهرنیو چارو وزیر د امریکا پر وروستیو څرګندونو غبرګون ښودلی دی. د محمود قریشي په خبره په ځلونو یې امریکا ته ویلي چې د افغانستان ستونزه یوازې د خبرو له لارې حل کېږي او طالبانو ته باید په افغان حکومت کې ځای ورکړل شي. د قریشي په خبره امریکا پر پاکستان د طالبانو د موجودیت له امله فشارونه راوړي، خو په خبره یې طالبان ددوی په جېبونو کې نه دي او امریکا دې خپله ستونزه ورسره حل کړي. د امریکا د بهرنیو چارو وزیر مایک پمپیو پرون په یوه خبري کنفرانس کې ویلي وو، پاکستان ته یې په واضح الفاظو ویلي چې نور دې د ترهګرو له ملاتړه لاس واخلي او طالبان دې د سولې خبرو ته حاضر کړي. دده په وینا که پاکستان دغه کار و نه کړي، نو امریکا به خپل حساب کتاب ورسره پيل کړي. پاکستان په سیمه کې د ترهګرۍ ملاتړی هېواد بلل کېږي چې نه یوازې افغانستان بلکې هند او ایران ته هم ترهګري صادروي او هلته یې ګډوډۍ جوړې کړې دي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: