یکشنبه , اکتوبر 25 2020
کور / خبرونه / پاکستان / پاکستان غواړي له افغانستان سره په اړیکو کې ښه والی راولي

پاکستان غواړي له افغانستان سره په اړیکو کې ښه والی راولي

پاکستان غواړي له افغانستان سره په اړیکو کې ښه والی راولي او بې باورۍ له منځه یوسي. د پاکستان ددفاع وزیر خرم دستګیر ددغه هېواد پارلمان ته د وینا پر مهال ویلي، د افغانستان او پاکستان ترمنځ په اړیکو کې ګڼې ستونزې موجودې دي چې باید له منځه یوړل شي. دده په وینا دلته د بې باورۍ یوه فضا رامنځ ته شوې ده چې هغه له منځه وړلو ته اړتیا لري او پاکستان غواړي د افغانستان په همکارۍ په دوه اړخیزو اړیکو کې ښه والی راولي. تر هغه مخکې د پاکستان د ملي امنیت شورا سلاکار ناصر خان جنجوعه هم ویلي، دوی به پوره هڅه وکړي چې ددواړو هېوادونو ترمنځ اړیکې سمې شي او د اړیکو د سمولو لپاره یې د افغانستان د بهرنیو چارو وزارت د سیاسي مرستیال حکمت خلیل کرزي له هڅو هم مننه کړې ده. د جنجوعه په خبره که د افغانستان او پاکستان اړیکې سمې شي په سیمه کې د ډيرو ناکراریو مخه نیول کېدلی شي. پاکستان هغه هېواد دی، چې په افغانستان کې د جګړو په ملاتړ تورن دی او له همدې امله امریکا پر دغه هېواد د فشارونو خبره کوي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: