چهارشنبه , مارچ 3 2021
کور / خبرونه / پاکستان / پاکستان یو ځل بیا د خپلې قونسلګرۍ په اړه د جدي پلټنو غوښتنه کړې ده

پاکستان یو ځل بیا د خپلې قونسلګرۍ په اړه د جدي پلټنو غوښتنه کړې ده

پاکستان یو ځل بیا د خپلې قونسلګرۍ په اړه د جدي پلټنو غوښتنه کړې ده. په کابل کې د پاکستان سفیر زاهد نصر الله خان نن د بهرنیو چارو له وزیر صلاح الدین رباني سره کتلي دي. ددغه وزارت له لوري په خپره شوې خبرپاڼه کې راغلي، چې په دغه لیدنه کې دواړو لورو د دوه اړخیزو سیاسي او سوداګریزو اړیکو پر پیاوړتیا خبرې کړې دي. د پاکستان سفیر ټينګار کړی دی، چې په ننګرهار کې دې ددغه هېواد د قونسلګرۍ مسئله په جدي توګه وڅېړل شي. سفیر همدا راز د افغان سولې په اړه هم ویلي چې پاکستان د افغانانو په مشرۍ د سولې له هر ډول مذاکراتو ملاتړ کوي نو له همدې امله یې د مسکو په غونډه کې هم د ګډون زړه ښه کړی و. د بهرنیو چارو وزیر هم ویلي چې دوی به په ننګرهار کې د قونسلګرۍ په اړه پلټنه وکړي. پاکستان ادعا کوي چې د ننګرهار والي حیات الله حیات ددغه هېواد په قونسلګرۍ کې مداخله کړې ده خو افغان حکومت دغه ادعا بې بنسټه بولي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *