جمعه , فبروري 26 2021
کور / خبرونه / بين المللي / پر رسنیو د ټرمپ لفظي بریدونو ملګري ملتونه اندېښمن کړي دي

پر رسنیو د ټرمپ لفظي بریدونو ملګري ملتونه اندېښمن کړي دي

د ملگرو ملتونو د بیان د ازادۍ ځانګړي استازي ویلي، چې پر مطبوعاتو د ډونالډ ټرمپ لفظي بریدونه کولی شي د خبریالانو ضد تشدد وپاروي. ډیوډ کای او د امریکا د بشري حقونو په کمیسیون کې د بیان د ازادۍ استازي ایډیسن لانزا په یو گډه اعلامیه کې ویلي، چې پر مطبوعاتو لفظي بریدونه د بیان د ازادۍ خلاف دي. دغه اعلامیه لیکي، دا حملې د امریکا د هغه ملي فریضې ضد عمل دی چې د بیان د ازادۍ او د بشر د حقونو د نړیوالو قوانینو ضمانت کوي. اعلامیه زیاتوي، چې مونږ په ځانګړې توگه د خبریالانو د خوندیتوب لپاره اندیښمن یو ځکه دا ډول لفظي بریدونه په هغوي د تشدد امکانات زیاتوي. تیره اونۍ د سي این این ټلویزیون پر سپینې ماڼۍ تور لگولی و چې د هغوي یو خبریال یې خبري غونډې ته نه و پریښودی. د یادونې وړ ده، چې ټرمپ ډېری وخت مطبوعاتو ته بد رد وایي او د(جعلي خبرونه) لقب یې ورته ورکړی دی.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *