پنجشنبه , دسمبر 3 2020
کور / خبرونه / افغانستان / په کابل کې پرون د شوي برید مسؤلیت افراطې ډلې داعش منلی

په کابل کې پرون د شوي برید مسؤلیت افراطې ډلې داعش منلی

ترهګرې ډلې داعش په کابل کې د نوروز دمیلې په مهال دشوي هغه ترهګریز برید پړه منلې ده چې پکې لږ تر لږه ۲۹ کسان وژل شوي دي.

دغه برید دچهارشنبې په غرمه دکابل د دریمې حوزې اړوند د کارته سخي زیارت نه په راستنیدونکو کسانو شوی چې خواوشا ۱۸ کسان پکې ژوبل شوي هم دي.

دبرید نه وروسته ترهګرې ډلې داعش د اعماق په نوم پخپله ویپانه لیکلي چې دغه برید هغوئ کړی دی.

په روانه میاشت کې په کابل کې دا څلورم ځانمرګي برید دی چې په لسګونو بېګناه کسانو پکې خپل ژوند دلاسه ورکړی اؤ ګڼ شمیر پکې ژوبل شوي هم دي.

افغان ولسمشر اشرف غني په کابل کې دنني ځانمرګي برید په سختو ټکو غندنه کړې اؤ دا یې یو بشر ضد عمل بللی دی.

پخپل یو بیان کې ښاغلي غني ویلي چې تروریستان د دغه وړ جنایتونو په ترسره کولو سره دافغانستان د خلکو د خوښۍ، تحصیل، ورځنیو فعالیتونو، پرمختګ، ابادۍ، ملي او مذهبي مناسبتونو مخه نشي نیولی.

له دې وړاندې په نهم مارچ کابل کې دعبدالعلي مزاري د تلین په مهال په شیعه مسلمانانو د شوي ځانمرګي برید پړه هم داعش په غاړه اخستې وه.

دا مهال دافغانستان په یو شمیر ولایتونو کې دداعش اؤ طالبانو وسله والو ډاګیز فعالیتونه کوي اؤ ګڼې سیمې یې هم دولتي ځواکونو څخه خپل لاس ته راوړي دي.

دناټو کمانډر جنرال جان نیکلسن دکابل د اوسني برید نه یوه ورځ وړاندې په کابل کې ویلي وؤ چې سږکال به افغانستان کې د وسله والو په ضد دعملیاتو ساحه زیاته پراخه کړي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: