یکشنبه , اکتوبر 25 2020
کور / خبرونه / پښتون ژغورنې خورځنک له پنجاب څخه د زور زیاتي بندولو غوښتنه کړې

پښتون ژغورنې خورځنک له پنجاب څخه د زور زیاتي بندولو غوښتنه کړې

پښتون ژغورنې غورځنګ له پنجابي ادارې د ورانونکې تګلارې نغاړلو غوښتنه کړې. هغه تګلاره چې کورنۍ ناکرارۍ یې زېږولې، افغانستان یې برباد کړی او د امریکا په تاریخ کې د تر ټولو اوږدې جګړې سبب شوې ده. د واشنګټن پوسټ ورځپاڼې په یوه لیکنه کې راغلي، چې د پښتون ژغورنې غورځنګ په زرګونه فعالو ځوانانو د دې لپاره هلې ځلې پيل کړې، چې د پاکستان لوړپوړي جنرالان د تېرو څلورو لسیزو له ویجاړوونکې تګلارې راوګرځوي. پي ټي اېم په اصل کې له اسلام اباده غواړي چې د څه باندې ۲۰۷ میلیونه وګړو په ځانګړې ډول د کرښې ها غاړه کې تر ۳۰ میلیونه زیاتو پښتنو بنسټیز بشري حقونه ومني. خو داسې نه ښکاري، چې پوځ به د یاد ګوند بر حقه غوښتنو منلو ته غاړه کېږدي. د لیکوال په باور پوځي اشرافیه زړه نا زړه دي، چې د افغانستان په جګړه کې خپل ښکېلوالی پای ته ورسوي او کنه. دوی د پي ټي اېم بدنامولو لپاره هم پر هغوی د (دوه مخې لوبې) نوم ایښی دی، د غورځنګ د ځوانې رهبرۍ هېواد پالنه یې تر پوښتنې لاندې راوستې ده. د پاکستان پوځ شپه ورځ لګیا دی، دغه غورځنګ له افغانستان سره وتړي چې پکې پښتانه اکثریت دي او له تاریخي پلوه د هغه هېواد مشرتابې او ولس تل د خپلې خاورې بیرته اخیستو دعوه ژوندۍ ساتلې ده. د یادونې ده چې د ۷۰ کلن پاکستان په تاریخ کې، پښتون ژغورنې غورځنګ لومړنی ولسي پاڅون دی چې نېغ په نېغه درېشی والا په ډاګه ننګوي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: