چهارشنبه , جنوري 27 2021
کور / خبرونه / پاکستان / کابل حکومت ملا فضل الله د پاکستان له پاره ووژلو،خو هغوي په بدل کې سپکاوی کړی دی

کابل حکومت ملا فضل الله د پاکستان له پاره ووژلو،خو هغوي په بدل کې سپکاوی کړی دی

باوري سرچینې وايي چې په دې وروستیو کې چې د امنیت شورا د سلاکار په مشرۍ کوم پلاوی د دويم ځل لپاره اسلام آباد ته لاړ، هلته پاکستاني چارواکو ډېر سپک او سوړ چلند ورسره کړی دی.
دغې سرچینې ویسا ورځپاڼې ته وویل چې افغان پلاوي د ملافضل الله د وژل کېدو په بدل کې له پاکستانه څه تمه درلوده، خو هغوی برعکس نورې غوښتنې کړې او داسې یې ښودلې ده چې د ملا فضل الله وژل د امریکایانو کار دی.
سرچینه وايي چې پاکستان له افغان پلاوي غوښتي چې د ډېورند فرضي کرښې په اوږدو کې د دوی د کټارو له جوړولو څخه باید افغان حکومت رسماً تائید وکړي. پر دې سربېره هغوی نورې غوښتنې هم کړې، چې افغان حکومت ته د ورسپارل شوي لېست له مخې د پاکستاني طالبانو وژل او یا نیول یې یوه له هغو ده. د دغه سپک او سوړ چلند اصلي لامل دا دی چې اصلاً پاکستان له امریکا سره معامله کړې او افغان حکومت په دې معامله کې شریک او طرف نه دی.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: