پنجشنبه , اپریل 22 2021
تازه سر ټکي
کور / خبرونه / پاکستان / کابل د سپیدار ماڼۍ پاکستان د ترهګرو په روزلو تورن کړو

کابل د سپیدار ماڼۍ پاکستان د ترهګرو په روزلو تورن کړو

اجراییه رییس ډاکتر عبدالله عبدالله وایي افغانان د ترهګرۍ ضد جګړه کې له سیمه ییزو او نړیوالو ترهګرو سره جنګېږي او هغه کسان چې په افغانستان کې جنګېږي د ټولو یې مرکزونه په پاکستان کې دي. له سپیدار ماڼۍ نه په رالیږل شوې خبرپاڼه کې راغلي چې عبدالله دا څرګندونې د چک جمهوریت له دفاع وزیرې کارله سلکتووه سره پرون په سپیدار ماڼۍ کې د لیدنې پر مهال کړې دي. اجراییه رییس په اوسنیو شرایطو کې افغانستان ته د چک جمهوریت د دفاع وزیرې راتګ له افغانستان سره د یاد هېواد د همکاریو ژمنتیا وبلله. کاروله وویل چې هېواد یې له افغانستان سره د هر اړخیزو مرستو دوام ته ژمن دی. هغې زیاته کړه چې چک جمهوریت چمتو دی څو دغوڅ ملاتړ په چوکاټ کې نور سرتیري هم افغانستان ته را ولېږي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *