چهارشنبه , نوومبر 25 2020
کور / خبرونه / افغانستان / کابل ښار ته دامنیت شورا پلاوی پرون ناوخته ورسيد چې په تېرو اوو کلونو کې لومړی پلاوی بلل کېږي.

کابل ښار ته دامنیت شورا پلاوی پرون ناوخته ورسيد چې په تېرو اوو کلونو کې لومړی پلاوی بلل کېږي.

 کابل ښار ته د ملګرو ملتونو د امنیت شورا پلاوی پرون ناوخته راورسيد. ځينې افغان چارواکي وايي، د امنیت شورا دغه پلاوی به پر امنیتي وضعیت خبرې وکړي او ښايي افغان چارواکي ورته د پاکستان په اړه هم شکایتونه وړاندې کړي. د ولسي جرګې غړی، صالح محمد صالح وايي، د امنیت شورا دا پلاوی چې په ملګرو ملتونو کې د امریکا استازې نیکې هیلې هم يې برخه واله ده، باید د روانې جګړې په برخه کې د حکومت مرسته وکړي. ځينې شنونکي د امنیت شورا راتګ، د حکومت د کمزوري وضعیت د ښه کېدو لپاره بولي. د کابل پوهنتون استاد او سیاسي کارپوه فیض محمد ځلاند نړۍ نیوز ته ويلي، حکومت په فساد کې ښکېل، د سولې په برخه کې له ننګونو سره مخ دي، غواړي د امنیت شورا ملاتړ تر لاسه کړي. ارګ او اجراییه ریاست تر اوسه په دې تړاو څه نه دي ويلي، خو د امنیت شورا دوره يي مشر خیرات عمروف وړاندې ویلی و، چې دغه پلاوی به د روانې جګړې، نشه يي توکو او سولې اړوند خبرې وکړي. امنیت شورا د ټرمپ د ستراتېژۍ له اعلان وروسته دغه پلاوی لېږي، چې په تېرو اوو کلونو کې لومړی پلاوی بلل کېږي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: