یکشنبه , مارچ 7 2021
کور / خبرونه / کندهار:ډیورنډ کرښې ته چېرمه سرحدي پولیسو ته مرګ ژوبله اوښتي ده

کندهار:ډیورنډ کرښې ته چېرمه سرحدي پولیسو ته مرګ ژوبله اوښتي ده

د کندهار په سپین بولدک ولسوالی کې ډیورنډ کرښې ته څېرمه نښتې وسله والو او افغان سرحدي ځواکونو ته مرګ ژوبله اړولې ده.

د کندهار ولایت مقام پرون پنجنشبه په یوه بیان کې ویلي چې پیښه تېره شپه ناوخته رامنځته شوې او په ترڅ کې ۷ وسله وال وژل شوي او ۹ نور ټپيان دي.

د ولایت مقام په وینا، د نښتې په ترڅ کې د سرحدي پولیسو ۲ سرتېري هم خپل ژوند له لاسه ورکړی او ۵ نور ټپیان دي.

په خبرپاڼه کې راغلي ”تېره شپه د سپین بولدک ولسوالۍ د سرو څاګانو په سیمه کي د شپې د لسو بجو په شاوخواکي دښمن د سرحدي پولیسو په پوسته باندي جګړه پیل کړې چي دې جګړې د شپې تر څلورو بجو دوام وکړی ، د دښمن دغه حمله د زړورو سرحد ساتونکو د کلک مقاومت سره مخ سوې چي په نتیجه کي د دښمن ۷ تنه مړه او ۹ تنه ټپیان همدارنګه زموږ د سرحدي ځواکونو ۲ تنه شهیدان او ۵ تنه ټپیان ښوی دي. “

خبرپاڼه زیاتوي ”د یادوني وړ ده چي د سروڅاګانو سېمي پوسته د ډیورنډ کرښي په سر پرته ده ، دا چي د دښمن مرکزونه د ډیورنډ کرښي ها خواته دي چي د ډیورنډ دې خواته یې د تګ راتګ لاري لنډي دي ځکه نو دوی وخت ناوخت زموږ د پوله ساتو ځواکونو پر پوستو حملې کوي او تر حملو وروسته د دښمن د روغو وسله والو اوښتل او ورسره یې د زخمیانو اومړو اړول او انتقالول ورته ډیر اسان کار دی. “

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *