دوشنبه , مارچ 1 2021
کور / خبرونه / افغانستان / یو لوړپوړی افغان پلاوی چابهار بندر ته تللی دی

یو لوړپوړی افغان پلاوی چابهار بندر ته تللی دی

یو لوړپوړی افغان پلاوی چابهار بندر ته تللی دی او له دغه بندر یې لیدنه کړې ده. ایراني رسنۍ وایي، چې د افغانستان د بهرنیو چارو وزارت او همدا راز د ترانسپورت وزارت یو پلاوی تېره ورځ چابهار بندر ته تللی دی او په دغه بندر کې یې له روانو چارو لیدنه کړې ده. افغان پلاوي دغه بندر د افغانستان او منځنۍ اسیا د هېوادونو اقتصادي پرمختګ او ودې ته خورا مهم بللی دی. د ایران د بندرونو او لارو د ادارې مشر هم له دغه پلاوي سره ملتیا کوله. بهروز اقايي ویلي، چابهار بندر د هند له سمندر سره د منځنۍ اسیا د هېوادونو د اتصال لپاره خورا مهم دی او افغانستان ته په کار ده، چې د خپل ځان د پرمختګ لپاره له دغه بندر ډېره ګټه پورته کړي. دده په خبره د افغانستان د سوداګرۍ او اقتصادي ودې لپاره د چابهار بندر جوړېدل او فعالیت غوره فرصت دی.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *