جمعه , دسمبر 4 2020
کور / خبرونه / یو وار بیا افغان کرکټ ۱۹ کلنه لوبډله دپاکستان لوبډلې سره په نړیوال کپ کې مخ کیږي
KUALA LUMPUR,19 Nov -- Para pemain Afghanistan bergambar bersama Piala Pusingan Kejohanan selepas dinobatkan sebagai Juara Keseluruhan yang berjaya mengalahkan Pakistan pada Perlawanan Akhir Kejohanan Kriket Piala Belia Asia (B19) di Kinrara Oval hari ini. Pasukan Afghanistan menang dengan kelebihan 185 larian keatas Pakistan. --fotoBERNAMA (2017) HAK CIPTA TERPELIHARA

یو وار بیا افغان کرکټ ۱۹ کلنه لوبډله دپاکستان لوبډلې سره په نړیوال کپ کې مخ کیږي

پاکستان د ۱۹کلنو د نړيوال کرکټ سياليو غوره لوبډله ګڼل کیږي خو افغانستان ورته يو وارې بیا د چېلنج لوبډلې په توګه مخې ته راتلی شي ځکه چې د اسياکپ ۱۹ کلنو په فاينل کې يې ورته ماتې ورکړې وه.

د ۲۰۱۸م د ۱۹ کلنو د نړيوال کپ لمړۍ سيالي د افغانستان او پاکستان ترمنځ ټاکل شوې ده.

پاکستان د ۱۹کلنو د کرکټ په نړيوالو سياليو کې غوره لوبډله ګڼلی شي او دې لوبډلې په کال ۲۰۰۴م او ۲۰۰۶م کې پرله پسې نړيوالې سيالۍ ګټلې او درې ځله د سياليو فاينل ته رسېدلی ؤ.

خو دې ځل پاکستان د افغانستان لخوا د سخت چېلنج سره مخ کېدی شي ځکه چې د اسياکپ د ۱۹ کلنو فاينل کې افغان لوبډلې پاکستان ته ماتې ورکړې وه.

افغان ستوری لوبغاړي منيررياض په د اسيا کپ ټورنامنټ کې اته لوبغاړي سوځولي او شاهين افریدي د لوبډلې مهم بالر دی، او اسپېنر بالر۱۶ کلن مجيب زدران هم په دې ډله کې ليدل کېدی شي چې د اسيا کپ په فاينل کې د پاکستان پينځه لوبغاړي سوځولي او يواځې ۱۳ رنزونه یې ورکړي وو.

د افغانستان د ۱۹ کلنو کرکټ لوبډلې د اسيا کپ فاينل کې پاکستان ته په ۱۸۵ رنزونو ماتې ورکړې وه.

د افغانستان لوبډلې ـ پاکستان ته د ګټې دپاره د ۲۴۹ رنزونو هدف ورکړی او په ځواب کې د پاکستان ټول لوبغاړي په ۲۳م اوور کې په ۶۳ رنزونو اؤټ شوی ؤ.

د افغانستان صدر اشرف غني او اجرايي رئيس عبدالله عبدالله د ۱۹ کلنو لوبډلې ته مبارکي ويلې او افغانستان کې په غټه کچه دغه خوشحالي نمانځل شوې وه.

د اسيا کپ نه وړاندې د افغانستان لوبډلې ماتې نه وه خوړلې او په اسياکپ ګټلو د ۱۹ کلنو نړیوالو سياليو کې د برخې اخستو جوګه شو.

افغانستان د ۲۰۱۶م د ۱۹ کلنو په نړیوالو سياليو کې هم ښه ځای جوړ کړی او پلېټ فاينل يې ګټلی ؤ چرته چې لېګ سپېنر راشدخان ښه بالنګ کړی او اوس دغه ستوری لوبغاړی د افغانستان د يو ورځني او ټي ټيونټي لوبډلې غوره سپېنر دی.

د ۲۰۱۸م د ۱۹ کلنو د نړیوال کپ سيالۍ په ۱۳م جنورۍ پېليږي او لمړی سيالي به د افغانستان او پاکستان ترمنځ وي.

افغانستان، پاکستان، ائيرلېنډ او سري لنکا د دغو سياليو په ډي ګروپ کې شامل لوبډلې دي.

په دغو سياليو کې ۱۵ لوبډلې برخه اخلي او د ۱۳م جنورۍ څخه پېلېدونکې سيالۍ به په درېمه فرورۍ سرته ورسي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: