دوشنبه , جولای 16 2018
کور / خبرونه / پاکستان / کوزه پښتونخواه کې د پخواني وزیر اعلی په کاروان بمې چاودنه شوې ده

کوزه پښتونخواه کې د پخواني وزیر اعلی په کاروان بمې چاودنه شوې ده

د خېبرپښتونخوا په جنوبي ضلع بنو کې د جمعيت علما اسلام (ف) ډلې د يو مشر اکرم خان دراني په کاروان بمي چاؤدنه شوې خو نوموړی پکې روغ وتی او لږ تر لږه اووه نور کسان پکې ژوبل شوي دي.

د بنو پوليس د چاؤدنې پخلی کړی او او ويلي يې دي ابتدايي رپوټ دا دی چې د سړک غاړې ښخ بم چاؤدلی او نورې پلټنې پېل کړی شوي دي.

په چاؤدنه کې ژوبل کسان د بنو روغتون ته وړل شوي او چارواکو ويلي په روغتون کې بېړنی حالت په ځای کړی شوي دي.

د جمعيت علمااسلام (ف) ترمخه په اکرم خان دراني باندې د بنو په هوېد علاقه کې هغه وخت چاؤدنه شوې چې د هغه کاروان د انتخابي کمپاين په سلسله کې روان ؤ.

اکرام خان دراني د بنو نه د قامي اسمبلۍ د حلقه اېن ای ۳۵ نه د (متحده مجلس عمل) کانديد دی.

په اکرم خان دراني دا چاؤدنه په داسې حال کې شوې چې د نهې، سه شنبې په شپه د پېښور په يکه توت سيمه کې د عوامي نيشنل ګوند د خېبرپښتونخوا د اطلاعاتو سېکتر او پي کي ۷۸ حلقې په کانديد هارون بشير بلور باندې دانتخابي جلسې په مهال ځانمرګی بريد شوی ؤ.

په دغه بريد کې د هارون بلور سره ۲۱ تنه وژل شوي وو.

په هارون بلور د ځانمرګي بريد زمه واري پاکستاني طالبانو منلې ده.

څو ورځې وړاندې دپاکستان د ترهګرۍ د مخنيوي ادارې (نېکټا) د اکرم خان دراني په ګډون د پينځه ؤ پښتنو سياستمدارو نومونه ویلي ؤ چې دوی ته د ترهګرو ګواښونه دي.

د اکرم خان دراني سره د عوامي نيشنل ګوند مشران اسفنديار ولي خان او حېدر خان هوتي، د قامي وطن پارټۍ مشر افتاب شېرپاؤ او پاکستان تحریک انصاف د مشر عمران خان نومونه ويل شوي وو.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *