سه شنبه , اګست 20 2019
کور / خبرونه / افغانستان / امریکایي ځواکونه وایي هلمند کې افغان پولیس مونږ وژلي دي

امریکایي ځواکونه وایي هلمند کې افغان پولیس مونږ وژلي دي

امریکایي ځواکونو په هلمند کې په هوایي عملیاتو کې د افغان پولیسو وژل کېدل تایید کړل. دغه پېښه وړمه شپه د هلمند مرکز لښکرگاه ښار ته نږدې شوې ده. د راپورونو له مخې په دې پېښه کې ١٧ پولیس وژل شوي او ۱۴ نور ټپیان دي. په افغانستان کې د امریکایي ځواکونو ویاند ویلي، چې عملیات وروسته له هغې وشول چې افغان ځواکونو ترې د هوایي ملاتړ غوښتنه وکړه. د هلمند د ولایتي شورا رییس وایي، دغه برید هغه مهال شوی چې د یاد کنډک قوماندان له پولیسو سره یوځای د طالبانو پرضد پر عملیاتو بوخت وو. د هلمند والي محمد یاسین، ویلي دي چې ددې پښې د عواملو په هکله پلټنې کوي. د هلمند ولایت مدني فعالان پر افغان ځواکونو د بهرنیانو دغه برید د پوښتنې وړ بولي او وایي پر افغان سرتېرو د بهرنیانو دا څووم برید دی چې ترسره کېږي خو پایلې یې نه په ډاګه کیږي. هغوی وایي ورته بریدونه خلکو ته دمنلو نه دي اوکه وضاحت ورنه کړل شي او مخه یې ونه نیول شي، نو دخلکو له جدي غبرګون سره به مخ شي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: