د امریکا او طالبانو تر توافق وروسته به افغان حکومت مذاکراتي ټیم معرفي کړي

د امریکا او طالبانو تر توافق وروسته به افغان حکومت مذاکراتي ټیم معرفي کړي. ارګ وايي دوی دې ته په تمه دي چې ژر تر ژره د طالبانو او امریکا ترمنځ د سولې هوکړه لاسلیک شي. د ولسمشر مرستیاله ویانده درانۍ وزیري وایي، همدا چې د طالبانو او امریکا ترمنځ توافق وشي افغان حکومت به هم د مذاکراتي ټیم فهرست اعلان کړي. د نوموړې به خبره که طالبان او امریکا هوکړه وکړي او دې ته تیاری وښيي چې له افغان لوري سره خبرې پیلوي نو حکومت به هم د پلاوي لېست اعلان کړي. تر اوسه نه ده په ډاګه شوې چې په دغه لېست کې به څوک وي او نه هم درانۍ وزیري په دې اړه کوم معلومات ورکړي دي.