دوشنبه , نوومبر 18 2019
کور / خبرونه / تفریح / د برتانیې یوې انجلۍ ویلي د ښایست له امله ورته ښه هلک نه دی موندل شوی

د برتانیې یوې انجلۍ ویلي د ښایست له امله ورته ښه هلک نه دی موندل شوی

د بريتانيې د ويلز د حسن ملکې دعوه کړې ده، چې هغه دومره ښايست لري، چې د مينې لپاره ورته کوم سم هلک نه پېدا کېږي، چې مينه ورسره وکړي.
د ويلز د کانوې ښار اوسېدونکې ٢٣ کلنه پېغله جوى سټارکلى وايي، چې هغه په دې هم ويرېږي، چې د ډېرې ښکلا له امله له کوم غلط هلک سره مينه ونکړي.
جوى سټارکلى په تېرو څو کلونو کې په ويلز کې د حسن درې مسابقې ګټلې دي او د خپلې هوښيارتيا، ښکلا او ټولنيزو خدمتونو له امله ډېر شهرت او مينه وال لري. خو دا هم ډېره جالبه ده، چې ځان ته تر ټولو ښايسته ويونکې جوى سټارکلى د بي بي سي په يو پروګرام کې يوازې له دې امله ګډون ونکړ، چې په دغه پروګرام کې ټولو ته ويل شوي و چې پرته له مېک اپ يا سينګار به ګډون کوي.
په دغه پروګرام کې پنځه ښايسته نجونې يو ځاى کوي، هغوى پرته له مېک اپ بيا له نورو ناپېژاندو هلکانو سره وخت تېروي. د دغه پروګرام هدف دا دى، چې نجونه او هلکان بايد د يو بل په ظاهري ښکلا پسې لاړ نه شي، بلکې د يو بل فکر او باطني ښکلا ته پام وکړي.
له همدې امله په دغه پروګرام کې چې کومې نجونې ګډون کوي هغوى مېک اپ يا سينګار نه کوي، خو جوى سټارکلى پکې ګډون ونکړ، ځکه چې مېک اپ پکې بند و.
د برېتانوي وېبپاڼې (نارت ويلز لايو) د راپور تر مخه، جوى سټارکلى وايي، چې هغه په مېک اپ يقين ساتي او پرته له مېک اپ يا سينګار څخه په دغه پروګرام کې ګډون نه شي کولاى.
جوى سټارکلى وايي، چې که څه هم هغه ډېره ښايسته ده، خو هغه تل سينګار کوي. هغه وايي چې هسې نه د سينګار نه کولو له امله کوم غلط هلک يې په برخه ونه رسېږي، چې هغه به ترې غلطه ګټه پورته کړي.
د حسن دغه ملکه جوى سټارکلى اوس وايي، چې د هغې د ښکلا له امله اوس هغې ته د هغې د خوښې هلک نه پېدا کېږي، چې هغه ورسره مينه وکړي. هغه وايي چې د ډېرې ښکلا له امله يې چې ورسره ښه هلکان ويني، نو هغوى شرمېږي، نو له هغې سره له همدې امله ويره ده، چې هسې نه په کوم غلط هلک وربرابره نه شي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: