د ننګرهار ولس د بهر نیانو په وتلو ټینګار وکړ

د ننګرهار د شینوارو د شپږو ولسوالیو ولسونو او قومي مشرانو په یوه غونډه کې د بهرنیانو وتل وغوښتل او پر دولت یې غږ وکړ چې که ریښتینې سولې ته ژمنتیا لري، باید بهرنیانو ته اجازه ورکړي چې له هیواد څخه ووځي.
قومي مشرانو د طالبانو له هغه دریځ څخه هرکلی وکړ چې ویلي دي،“د اشغال په شتون کې په کورنیو مسئلوخبرې نه کوي او لومړی باید د اشغال مسئله یوطرفه شي“
قومي مشرانو وویل، د روانې بدبختي لامل د بهرنیو پوځونو نظامي شتون ده او هیڅ افغان نه غواړي هیواد یې د بهرنیانو له خوا اشغال شوی وي.

قومي مشرانو دغه راز یوځل بیا پر دولت ژغ وکړ چې په شپنیو عملیاتو او بمباریو کې دې د ولسي خلکو له وژل کیدو او د هغوی شتمنیو ته د زیان اوښتلو څخه لاس واخلي اوزیاته یې کړه چې که دولت او بهرنیانو یې غوښتنو ته پام ونه کړ،دوی به یې پر وړاندې پر نورو لارو چارو غور وکړي.