یکشنبه , دسمبر 15 2019
تازه سر ټکي
کور / روغتيا / د یخنۍ په موسم کې هګۍ خوړل څومره ګټور دي؟

د یخنۍ په موسم کې هګۍ خوړل څومره ګټور دي؟

په يخ موسم کې انسان هڅه کوي داسې څه وخوري چې هغه تود وساتي، نو په يخ موسم کې بيا هر انسان د ګرمو يا تودو خوراکونو په لټه کې وي.
همدا راز په يخ موسم کې د انسان لوږه هم زياتېږي او ډېر هغه خوراکونه چې په ګرمۍ يا اوړي کې ډېر نه خوري، نو هغه بيا په يخ موسم کې هره ورځ کاروي او خوري يې، لکه سوپ، وچه مېوه او هګۍ وغېره.
يو شمېر پوهانو په يخ موسم کې د ځينو ناروغيو نه د ځان ساتلو لپاره د هګيو خوراک لازمي ګڼلى دى.
پوهان وايي، چې هګۍ له روغتيا برخمنه ده چې په يخ موسم کې د دې لپاره يې هم خوړل پکار دي چې په يخ موسم کې ډېر جراثيم انسان ناروغي او په هګيو کې په قدرتي ډول داسې اجزاوې شته، چې هغه د باکټېريا د ختمولو لپاره کار کوي.
پوهان وايي، چې په يوه هګۍ کې ٦ ګرامه پروټين موجود وي او همدا راز په هګۍ کې يو داسې پروټين هم شته چې په بدن کې دننه د اېنټي باډيز جوړولو کار کوي او د بدن مدافعتي نظام قوي کوي.
په هګۍ يو ډول داسې غوړ يا روغن شته چې هغه انسان له چاقوالي څخه هم ساتي او تر څه حده پورې د انسان بدن هم تود ساتي.
پوهان دا هم وايي، چې په هګيو کې ويټامين ډي ډېر زيات دي، ځکه په يخ موسم کې لمر ډېر نه راښکاره کېږي او د انسان ويټامين ډي کمېږي، چې بيا د هډوکو له دردونو سره مخ کېږي، نو هګۍ کولاى شي چې د انسان ويټامين ډي پوره کړي، نو په يخ موسم کې د هګيو خوړل ځکه هم لازمي دي.
د يادولو ده که هګۍ جوش وخورئ، که يې سره کړې وخورئ او که يې په کوم بل خوراک کې يو ځاى کړئ، نو په هر ډول چې يې خورئ ګټه يې يو ډول ده.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: