پنجشنبه , سپتمبر 19 2019
کور / خبرونه / پاکستان / پاکستان:وسله والو طالبانو اسلام اباد کې درې پاکستاني پولیس وژلي

پاکستان:وسله والو طالبانو اسلام اباد کې درې پاکستاني پولیس وژلي

د پاکستان پایتخت اسلام آباد کې د وسلوالو طالبانو په برید کې د پاکستاني ځواکونو درې تنه کمانډویي پولیس وژل شوي.

د راپورونو له مخې نن چهارشنبه له ماښام څخه وروسته د اسلام آباد د سبزي منډۍ سیمې په حدودو کې وسلوالو طالبانو د تالاشۍ په مرکز کې په ولاړو پولیسو ډزې وکړې چې په پایله کې یې درې تنه پولیس ځای پر ځای وژل شوي.

له برید څخه وروسته نور پولیس او د امنیتي ادارو غړي د پلټنې په موخه د برید ځای ته رسیدلي خو وسلوال برید کوونکي د برید له ځایه په تېښته بریالي شوي.

د یاد برید پړه د حزب الاحرار په نوم د وسلوالې ډلې ویاند ډاکټر عبدالعزیز یوسف زي منلې.

نوموړی زیاتوي چې په برید کې مو دوه کمانډویي پولیس او یو تن د ترهګرۍ ضد څانګې پولیس وژلي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: