په پاکستان کې د عمران خان مخالف ګوندونه وايي چې نوموړی دې له دندې استعفا ورکړي

په پاکستان کې د عمران خان مخالف ګوندونه وايي چې نوموړی دې له دندې استعفا ورکړي او له سره دې په دغه هېواد کې ټاکنې وشي. مخالفو ګوندونو تېره ورځ په اسلام اباد کې خبري غونډه درلوده او ویل یې چې عمران خان ولس نه دی ټاکلی بلکې د بل چا له لوري ټاکل شوی دی نو باید له خپلې دندې استعفا ورکړي. دوی ویل چې عمران خان دې له دندې ګوښه کړل شي او تر هغه وروسته دې د پوځ له مداخلې پرته ټاکنې وشي. عمران خان په دې اړه غبرګون نه دی ښودلی خو تر دې وړاندې یې د مخالفو ګوندونو د لاریونونو په ځواب کې ویلي وو، چې دی خپلې دندې ته ادامه ورکوي او له مخالفینو سره خبرې روانې دي څو په دغه هېواد کې ناندرۍ پای ته ورسېږي.