شنبه , اګست 24 2019
کور / خبرونه / بين المللي / پنټاګون: تر دې دمه مو د امریکایي ځواکونو د ویستلو په اړه خبرې نه دي کړي

پنټاګون: تر دې دمه مو د امریکایي ځواکونو د ویستلو په اړه خبرې نه دي کړي

د امریکا د دفاع وزارت سرپرست پاتریک شناهن تیره ورځ ویلي، د امریکا له لوري له طالبانو سره د سولې خبرې د ده لپاره هڅوونکې وې، خو په وینا یې تر اوسه له ده نه دي غوښتل شوي چې له افغانستانه د خپلو پوځیانو د ایستلو پلان جوړ کړي.

طالبان او امریکایې استازي د یوې موافقې پر اډانه سلا شوي، خو لا هم په دې موافقه نه ده شوې چې کله به اوربند کېږي او امریکايي پوځیان به کله وځي؟

د افغان سولې لپاره د امریکا استازي زلمي خلیلزاد ویلي، د طالبانو او امریکا ترمنځ د یو توافق پر چوکاټ موافقه شوې ده.

زلمي خلیلزاد ویلي، امریکا په هغه صورت کې خپل ټول ځواکونه له افغانستان باسي، چې طالبان اوږدمهاله اوربند وکړي او له افغان حکومت سره خبرې وکړي.

هغه له نیویارک ټایمز ورځپاڼې سره په مرکه کې ويلي، طالبانو ژمنه کړې چې د امریکا د قناعت لپاره به ټولې هڅې په کار واچوي چې افغانستان د نړیوالو ترهګرو په ځاله بدل نه شي.

خو طالبان به د دې ژمنې لپاره ضمانت هم ورکوي.

پاکستان ته د روسیې د ځانګړي استازي سفر

د افغانستان لپاره د روسيې ځانګړی استازی ضمیر کابلوف د افغان سولې په تړاو اسلام اباد ته رسیدلی.

کابلوف وروسته له هغې دا سفر پیلوي چې د افغان سولې په تړاو د امریکا ځانګړی استازي زلمي خلیلزاد په قطر کې د طالبانو سره له خبرو وروسته کابل ته ستون شو او له ولسمشر غني سره یې مالومات شریک کړل.

پاکستاني چارواکو دغه هېواد ته د کابلوف د سفر په اړه ویلي، د سیمې هېوادونه افغانستان کې ګټې لري او ټول د راتلونکي وضعیت په تړاو له یو بل سره مشورې کوي.

ټاکل شوې چې کابلوف به نن سې شنبه د پاکستاني چارواکو سره رسمي خبرې پېل کړي.

روسیې، پاکستان او ایران تل ویلي، له طالبانو سره یې د اړیکو موخه د افغان حکومت او طالبانو مخامخ خبرو ته کینول دي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: