د کاناډا صدراعظم جسټن ټروډو اعلان کړی چې تر ۲۰۲۱ میلادي کاله به د یو وار استفادې لپاره پلاستیکي وسایل لکه پلاستیکي لوښي، پلاستیکي کڅوړې او د څښاک لپاره د پلاستیک پايپونه به له مارکېټه لېرې کړي.
جسټن ټروډو پرون د جون په لسمه، وویل: “زه ډېر خوشال یم چې اعلان کوم چې تر ۲۰۲۱ میلادي کاله به کاناډا هغه ټول مضر پلاستیکي شیان چې د یو وار استفادې لپاره جوړېږي، بند کړي.”
د نړۍ د سترو اقتصادي قدرتونو په غونډه کې تېر کال د کاناډا، فرانسې، جرمني، ایټالیا او اروپايي اتحادیې مشرانو د نړۍ د سمندرونو د ککړتیا د مخنیوي موافقه لاسلیک کړه.
خو امریکا او جاپان موافقه نه وه کړې.
