د افغانستان ملي امنیت چارواکي وایي، د کنړ ولایت په اسمار ولسوالۍ کې یې د لشکر طیبه ډلې یو مرکز په لرې واټن ویشتونکي مزایل ویشتلی او له منځه یې وړی دی.
ملي امنیت په یوه بیان کې ویلي چې په دې راکټي بریدونو کې یې د لشکر طیبې ډلې یو مرکز چې د خوشحال تله په نوم یادیده د کنړ ولایت په اسمار ولسوالۍ کې ویشتلی او د دې ډلې درې غړي یې له منځه وړي او ۵ تنه نور یې ټپیان کړي دي.
لشکر طیبه د جیش محمد په څېر په پاکستان کې پرته ترهګره او وران کاره ډله چې د افغانستان په شرقي ولایت کنړ کې یې هم د جنګیالیو دشتون راپورونه خپریږي.
