شنبه , سپتمبر 19 2020
کور / خبرونه / افغانستان / الیس ویلز: د ډيورنډ کرښه په نړیواله کچه په رسمیت پيژندل شوې کرښه ده

الیس ویلز: د ډيورنډ کرښه په نړیواله کچه په رسمیت پيژندل شوې کرښه ده

د امریکا د بهرنیو چارو وزارت پخوانۍ مرستیاله الیس ویلز وايي، چې ډيورنډ په نړیواله کچه په رسمیت پيژندل شوې کرښه ده.الیس ویلز پر خپله ټویټر پاڼه د امرالله صالح د یوې لیکنې په اړه ویلي چې د افغانستان له ملي حیثیته برخمنې سیاسي څېرې په دې خبر دي چې ډیورند په نړیواله کچه په رسمیت پېژندول شوې کرښه ده او د بېرته غوښتنو ادعا کول به د سولې مذاکراتو او دواړو هېوادونو اقتصادي اړیکو ته زیان ورسوي.د ولسي جرګې غړي او د چارو شنونکي نیوکه کوي، چې پر ډ‌یورند کرښه د تاسیساتو جوړېدو او اغزن تار غځېدو ټول لګښت امریکا ورکړی او د افغانستان حکومت په جریان کې دی، چې متحده ایالاتو او پاکستان پر ډیورند کرښه معامله کړې ده.
شنونکي وایي، چې د ډیورند کرښې په اوږدو کې د تاسیساتو جوړېدو پر وړاندې د افغانستان د حکومت له چوپتیا هم ښکاري چې پر ډیورند معامله شوې.
څو ورځې مخکې د ملي امنیت پخواني رئيس رحمت الله نبیل له رسنیو سره خبرو کې وویل، چې د افغانستان حکومت پر ډیورند کرښه معامله کړې او په همدې تړاو یې له ای اس ای سره درې پټ تړونونه لاسلیک کړي دي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: