دوشنبه , مې 25 2020
کور / خبرونه / بين المللي / امريکایي سناتوران د یوې نیمې میاشتې ځنډ وروسته خپلو کارونو ته ستانه شوي

امريکایي سناتوران د یوې نیمې میاشتې ځنډ وروسته خپلو کارونو ته ستانه شوي

که څه هم په امریکا متحده ایالتونو کې د کرونا ویروس د پيښو د ډیریدو امکان شته خو امریکايي سناتوران له کابو یوې نیمې میاشتې راوروسته د لومړی ځل لپاره خپلو کارونو ته ستانه شوي.

د امریکا سنا مجلس به چې اکثریت جمهوري غوښتونکي دي د ولسمشر مهم نومول شوي کاندیدان به تائید کړي او د کرونا ویروس له امله به د ځپل شوي اقتصاد لپاره د یوې بلې سترې مرستندوې بستې په تصويب غور وکړي.

یو له هغو کسانو څخه چې ټاکل شوېده سنا مجلس یې تائید کړي د امریکا د استخباراتو د ادارې لپاره نومول شوی کاندید جان رټکلف دی.

ښاغلي رټکلف وویل چې د کرونا ویروس د هستې موندل به یې لومړیتوب وي:” استخباراتي ادارې به خپله ټوله پاملرنه په دې متمرکزه کړي چې په اوهان کې څه تیر شول. زه اوس مهال چین ته د یو ستر خطر په سترګه ګورم.”

خو د سنا مجلس دیموکرات غړی شیروډ برون وایي جمهوري غوښتونکی حکومت، د ترمپ د نوماندانو د تائیدي لپاره په یوځای راټولیدو سره د دوی خوندیتوب په خطر کې اچوي.

د امریکا د اقتصاد د رغولو لپاره د بلې بستې د تصویب په سر مذاکرې سیاسي بڼه غوره کړې ده.

ټاکل شوې چې د دویمې مالي مرستې د بستې د تصویب لپاره د استازو د مجلس دیموکراته مشره ننسي پیلوسي د خپل ګوند نظریه د دې اونۍ په پای کې اعلان کړي.

د کانګرس غړي اوس هم له کوره کار کوي او وایی چې د کرونا ویروس له امله سیمه د کار لپاره مصونه نده.
د استازو د مجلس غړو په یو بیساري اقدام کې د اقتصاد د رغولو او عامې روغتیا د بحران د مخنیوي لپاره درې تریلیونه ډالره مرستندویه بسته تصویب کړه.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: