چهارشنبه , جنوري 27 2021
کور / خبرونه / افغانستان / امریکایانو په ننګرهار کې دوه اډې تخلیه کړې دي

امریکایانو په ننګرهار کې دوه اډې تخلیه کړې دي

د ننګرهار ولایت ځايي چارواکو رسنیو ته ویلي دي چې امریکایي ځواکونو د ننګرهار په هسکه مینه او اچین کې خپلې دوې نظامي اډې تخلیه کړې دي او افغان ځواکونو ته یې سپارلې دي. د سرچینې په خبره په دغه نظامي اډو کې اوس افغان پوځیان میشت شوي دي. په ننګرهار کې د سرحدي پولیسو قومندان ویلي چې د امریکايي ځواکونو په تخلیه شوو نظامي اډو کې اوس سرحدي ځواکونه مېشت دي او دوی به هڅه کوي چې په سیمه کې امنیت خوندي کړي. ځایي خلک بیا وایي چې ښايي په دې سره په سیمه کې نا امنۍ ډېرې شي، خو دوی له حکومت سره همکار دي او حکومتي ځواکونه باید له ولس سره په څنګ کې د ګواښونو پر وړاندې ودرېږي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: