سه شنبه , جنوري 26 2021
کور / خبرونه / د امریکا په ناشویل ښار کې چاودنه شوې

د امریکا په ناشویل ښار کې چاودنه شوې


لا د پېښې دقیق علت نه دی معلوم

نن د جمعې په ورځ د ډسمبر په ۲۵ (مرغومي۵) د امریکا د متحدو ایالتونو د تینیسي ایالت په مرکز ناشویل کې یوه چاودنه شوې ده.
د ښار د پولیسو ویاند ډان ارون وايي چې چاودنه په ځايي وخت د سهار په ۶:۳۰ شوې ده. په چاودنه کې ورڅېرمه ځینې کورونه او ودانۍ زیانمنې شوي او ښېښې یې ماتې شوي دي.
ښاغلي ارون وویل داسې ښکاري چې دا یو عمدي کار و. د پېښې له ځای څخه درې کسان روغتون ته انتقال شوي دي او د دریو واړو روغتیایي وضعیت ښه بلل شوی.
پولیسو ویلي چې باور کیږي په دغې چاودنې کې یو موټر دخیل و.
د ناشویل د پولیسو څانګې په خپل ټویټر کې لیکلي دي چې د پېښې ځای ته د فدرال د تحقیقاتي بیرو ماموران، پولیس او د اور وژنې عملیه ورغلي دي.

MNPD, FBI & ATF investigating the 6:30 a.m. explosion on 2nd Ave N linked to a vehicle. This appears to have been an intentional act. Law enforcement is closing downtown streets as investigation continues. pic.twitter.com/YOfMTaKmTH
— Metro Nashville PD (@MNPDNashville) December 25, 2020

چاودنه د ناشویل ښار په منځ کې په هغه ځای کې شوې ده چې مۍ خانې، رستورانتونه او هټۍ په کې دي او د سیلانیانو مرکز بلل کیږي.
ځینې عیني شاهدان وايي چې د چاودنې غږ ډېر لوړ و او تر لېرو ځایونو یې ودانۍ خوځولې دي.
د پېښې ځای ته نژدې یو عینی‌شاهد بوک مکوای په خپل فیسبوک کې د پېښې یوه ویدیو خپره کړې ده.
هغه وايي چې په چاودنه کې یې د کور د کړکیو ټولې ښېښې ماتې شوي دي.
هغه اسوشیتډ پرس ته وویل: « چاودنه ډېره غټه وه. داسې وه لکه د بمب چاودنه. تقریبآ څلورو موټرونو اور اخیستی و، نپوهېږم چې (موټرونه) ډېر ګرم و چې اور یې اخیستی که کومه بله خبره وه. ونې هم پرې شوې دي.»

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: