دوشنبه , جنوري 25 2021
کور / خبرونه / پاکستان / د پښتون ژغورنې غورځنګ خبر ورکړی چې نن په خیبر کې جلسه لري

د پښتون ژغورنې غورځنګ خبر ورکړی چې نن په خیبر کې جلسه لري

 پښتون ژغورني غورځنګ نن د خېبر په باړه کې د خپل يو مخکښ او قامي اسمبلۍ غړي علي وزير او نورو غړو د ګرفتارۍ پرضد احتجاجي جلسه کوي.  

د رسنیو د مخه، د باړې په “جازونو ګراونډ” کې دې جلسې ته له بېلابېلو کلیو خلک ورروان دي خو ځای ځای ورته لارې بندې کړل شوې دي.
ځايي چارواکو د دې لارو د بندولو دليل نه دی روښانه کړی خو په تېرو وختونو کې هم د پښتون ژغورنې غورځنګ د جلسو پر وخت داسې شوي وو.
د غورځنګ مشر منظور پښتین، د صوبایی اسمبلۍ غړي میر کلام وزیر او نورو پلويانو یې پرون په باړه، لواړګي او تورخم کې خلکو ته په جلسه کې د ګډون بلنه ورکړه.
دوی د غونډو ته په ویناوو کې د علي وزير او نورو غړو د خوشي کولو غوښتنې وکړې.
پښتون ژغورنې غورځنګ تر دې مخکې هم د پاکستان په بېلا بېلو ښارونو او قبايلي علاقو کې احتجاجي لاريونونه کړي ول.
علي وزير د دیسمبر پر ۱۶مه په پيښور کې پوليسو ونيو. هغه مهال پوليسو ويلي وو چې هغه یې د سيند پوليسو په غوښتنه ځکه نیولی چې پر نوموړي د دیسمبر پر اوومه په کراچۍ کې پرچه دایره شوې وه چې پکې پر وزیر د ښار په سهراب ګوټ کې په جلسه کې د ریاست او پوځ پر ضد د وینا تور پورې شوی دی خو پښتون ژغورنې غورځنګ دا تورونه ردوي.

د علي وزیر کورنۍ وايي د نوموړي ژوند ته خطر دی

په کراچۍ کې د ترهګرۍ ضد عدالت د دیسمبر پر ۱۹مه علي وزير د ۱۲ ورځو لپاره په عدالتي ریمانډ پولیسو ته حواله کړو.
علي‌ وزیر له یو روغتون څخه په پټه خپلې مېرمنې ته په ټلیفون کې ویلي وو چې د ده ژوند ته خطر دی.
د علي وزیر مېرمن، سایره علي وزیر مشال راډيو ته ويلي وو چې مېړه یې ويل چې کيدای شي چارواکي ووايي چې نوموړی د زړه ودرېدو له امله مړ شو خو د سند چارواکو دا رد کړې وه.
د کراچۍ پوليسو رسنيو ته ويلي چې علي وزیر روغ دی او دوی یې د نورو قیديانو په شان ساتي.

2 تبصرې

  1. I really delighted to find this site on bing, just what I was searching for : D likewise saved to fav.

  2. I regard something really special in this internet site.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: