پنجشنبه , اکتوبر 29 2020
کور / خبرونه / سعودي عرب سږ کال لږو کسانو ته د حج د ادا کولو اجازه ورکوي

سعودي عرب سږ کال لږو کسانو ته د حج د ادا کولو اجازه ورکوي

د کرونا وبا له کبله د سعودي عربستان حکومت پر دې غور کوي چې سږ کال لږو کسانو ته د حج د ادا کولو اجازه ورکړي. په سعودي عربستان کې د کرونا د ناروغانو شمېر تر ۱۰۰ زرو اوښتی دی. رويټرز خبري آژانس د سعودي عربستان د دولتي سرچينو په حواله ويلي چې په دغه هېواد کې اوسمهال د حج د سږنيو مراسمو پر وخت د زایرينو د شمېر پر محدودولو غور کيږي. د سعودي حکومت په مارچ مياشت کې اسلامي هېوادونو او مسلمانانو ته ويلي وو چې د حج پلانونه دې نه حتمي کوي. ويل شوي چې سږ کال به هر هېواد ته د حج د سهمیې پر ځای يوازې د شلو سلنو خلکو د لېږدولو لارښوونه وشي او دا کسان به هم تر کلکو روغتيايي آزموینو وروسته سعودي عربستان ته لېږدول کیږي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: