جمعه , اکتوبر 30 2020
کور / خبرونه / شمالي وزیرستان: د طالبانو به برید کې دوه پوځیان وژل شوي

شمالي وزیرستان: د طالبانو به برید کې دوه پوځیان وژل شوي

د پاکستان پوځ ویلي چې دوه پوځیان یې د شمالي وزیرستان په میران شاه کې په وسله والو برید کې وژل شوي دي.

د سپټمبر پر ۲۰مه د پاکستاني پوځ په اعلامیه کې ویل شوي چې یو تن وژل شوی سرتیری د سوات او بل تن یې د پاړه چنار اوسېدونکی دی.

بیان وایي چې پاکستاني سرتیري د «سپلګه» په نوم سیمه کې استخباراتي عملیات کول چې وسله وال برید ورباندې شوی دی.

د دغه برید مسؤلیت  وسله والې ډلې تحریک طالبان پاکستان ډلې  منلې دی.

د یادې ډلې ویاند محمد خراساني نن په جنوبي وزیرستان کې هم په پوځ د یوې بمي چاودنې خبر ورکړی.


خراساني زیاتوي چې په چاودنه کې درې پوځیان وژلي.


د پوځ عامه اړیکو آیي ایس پي آر تر اوسه د دویمه پېښې په اړه رسنیو ته څه نه دي ویلي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: