دوشنبه , جنوري 18 2021
کور / خبرونه / افغانستان / فرانسې د دوو طالب بندیانو په خوشې کېدو غبرګون ښودلی

فرانسې د دوو طالب بندیانو په خوشې کېدو غبرګون ښودلی

د فرانسې حکومت د دغه هېواد د یوې وګړې په وژلو تورنو دوو طالب بندیانو د خوشي کېدو په هکله بیا د جمعې په ورځ غبرګون ښودلی او وايي، دوی پر خپل پخواني دریځ ولاړ دي.

د فرانسې د بهرنیو چارو وزارت خپله بیانیه کې زیاتوي:

“فرانسه بیا د هغو کسانو له خوشي کېدو سره خپل مخالفت ښيي چې د فرانسوي وګړو پرضد یې جرم کړی، په تېره د هغو فرانسوي پوځیانو او انساني حقونو د کارمنانو په هکله چې زموږ له افغان ملګرو سره یې اوږه په اوږه د اړمن ولس د امنیت او اړتیاوو پوره کولو لپاره په سرښندنه کار کړی دی. “

فرانسې د مشورتي لویې جرګې له غوښتنې وروسته چې له امله یې افغان حکومت څلور سوه بندیان خوشي کول د دې کسانو د نه خوشي کېدو غوښتنه کړې وه.

خو د طالبانو دوو جلا سرچينو د پنجشنبې په ورځ ومنله چي افغان حکومت د دوی دوه زندانیان،‌ ضیا احمد او عبدالنبي، چي د یوې فرانسوۍ مېرمنې په وژنه تورن او په اعدام محکوم وو، پنجشنبه سهار خوشي کړي دي.

پر دې کسانو تور و چي ۲۰۰۳ کال کې یې په غزني کې د کډوالو لپاره د ملګرو ملتونو د ادارې یوه کارکوونکې بیټینا ګویسلارډ په داسي مهال چي د همدې ادارې په موټر کې ناسته وه، په ډزو ووژله.

خو فرانسوي چارواکي وايي، ولسمشر یې او د اروپا او بهرنیو چارو لپاره وزیر یې له خپلو افغان سیالانو سره وروستیو ټلیفوني خبرو کې هم خپل دریځ روښان کړی دی:

“فرانسه د افغان حکومت او طالبانو ترمنځ د خبرو او نه هم د طالبانو او امریکا ترمنځ د تړون شریکه ده، ځکه په لوړه کچه پارېدلې ده. “

د فرانسوي چارواکو په خبره، فرانسه د سولې خبرو ملاتړ په داسې صورت کوي چې افغانستان کې د ترهګرۍ او تاوتریخوالي د قربانیانو حقونه په پام کې ونیول شي.

د عکس سرچینه،GETTY IMAGES

د عکس تشریح،
بیټینا ګویسارډ په ۲۰۰۳ کال کې په غزني کې وژل شوې وه

له بلې خوا طالبانو د پنجشنبې په ورځ وویل، هغه شپږ بندیان هم قطر ته استول شوي چې تراوسه د افغان حکومت په بند کې و.

طالبانو د خپلو ټولو بندیانو پر خوشي کېدو ټینګار کاوه او ویل یې چې له نوملړ سره سم یې ټول بندیان خوشي نه شي خبرې نه پیلېږي.

د دې بندیانو له خوشي کېدو وروسته قطر کې د طالبانو د دفتر ویاند ډاکټر محمد نعیم وویل چې د شنبې په ورځ د افغانانو خپلمنځي خبرو ته چمتو دي.

د جمعې په ورځ د افغان حکومت پلاوی هم دې خبرو ته ځي چې د افغان پخلاینې جرګې مشر عبدالله عبدالله او د بهرنیو چارو سرپرست حنیف اتمر هم پکې دي.

د امریکا ولسمشر ډونلډ ټرمپ وايي، د دې خپرو پرانیست غونډه کې به د دغه هېواد د بهرنیو چارو وزیر مایک پمپیو هم ګډون وکړي.

امریکايي چارواکي او د افغان سولې لپاره د امریکا ځانګړی استازی زلمي خلیلزاد د افغان حکومت او طالبانو د خبرو پیلېدل د ۴۰ کلنې افغان غمیزې د ختمېدو لپاره تاریخي چانس بولي.

يوه تبصره

  1. If you want to discover more about the bioenergy code reviews,this video is about the bioenergy code reviews information but also try to cover the following
    subject:
    -the bioenergy code does it work
    -is the bioenergy code a scam?
    -the bioenergy code reviews

    https://bonqdaso.com/bds/viewtopic.php?id=160282

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: