دوشنبه , جنوري 25 2021
کور / خبرونه / افغانستان / کابل کې ماین چاودنه؛ پنځه کسان وژل شوي درې ټپیان دي

کابل کې ماین چاودنه؛ پنځه کسان وژل شوي درې ټپیان دي

د کابل ښار په اوومه ناحیه کې د چسپکي ماین چاودنې له امله پنځه تنه وژل شوي او درې تنه نور ټپيان شوي دي.

د کابل د امنیه قوماندانۍ ویاند فردوس فرامرز وايي، دغه چاونه نن سې شنبه سهار ډسمبر ۲۲(مرغومې دوهمه) ديادې ناحیې په «دوغ اباد» سيمه کې د څرخي پله زندان اړوند ډاکترانو پر کورلا ډوله موټر شوې ده٠

امنیتي چارواکي وايي، په وژل شوو کسانو کې څلور تنه د زندانونو ادارې ډاکټران دي، چې درې يې ميرمنې او يو يې نارينه دی.

پر همدې مهال د عامې روغتیا وزارت د ویاند مرستیال نورالله تره کي هم امریکا غږ ته وویل چې د کابل ښار په اوومه ناحیه کې د نننۍ ماین چاودنې له ځایه پنځه مړي او درې ټپیان روغتونو ته انتقال شوي دي.

تر دا مهاله د یادې چاودنې مسؤلیت کومې وسله والې ډلې په غاړه نه دی اخیستی.

دا په داسې حال کې ده چې په دې وروستیو کې په کابل ښار کې د چسپکي ماینونو چاودنې زیاتې شوي دي.

پرون دوشنبه هم د کابل ښار په دوولسمه امنیتي حوزه کې د چسپکي ماین چاودنې له امله دوه تنه ټپیان شوي و.

د تیرې یکشنبې په ورځ بیا د کابل ښار په پنځمه امنیتي حوزه کې د ولسي جرګې د یوه غړي پر موټریز کاروان موټر بم برید کې ۱۰ ولسي وګړي ووژل شول او ۵۲ تنه نور تنه ټپیان شول.

تیره اونۍ د کابل مرستیال والي محبوب الله محبي او د هغه سکرټر هم په کابل ښار کې د چسپکي ماین په چاودنه کې ووژل شول.خو مسؤلیت تر دا مهاله کومې وسله والې ډلې نه دی منلی.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: