شنبه , اپریل 10 2021
کور / خبرونه / افغانستان / د کابل نه د پاکستان قومي اسمبلۍ غړی بیرته واپس شوی

د کابل نه د پاکستان قومي اسمبلۍ غړی بیرته واپس شوی

د پاکستان د ولسي جرګې (قومي اسمبلۍ) د پلاوي د لیږدولو الوتکه په حامد کرزي نړیوال هوايي ډګر کې د تخنیکي ستونزو له کبله له کابل څخه بېرته اسلام‌اباد ته ستنه شوه.
د افغانستان لپاره د پاکستان ځانګړی استازي محمد صادق وايي چې کابل ته د پاکستان د ولسي جرګې مشر اسد قیصر راتګ ځنډول شوی دی.
دغه پاکستاني ډیپلوماټ نن پنجشنبه اپرېل ۸ (وری۱۹) په خپلې ټویټر پاڼې کې ویلی چې دا سفر په کابل هوايي ډګر کې د پروازونو د تړل کېدو له امله ځنډول شوی دی.
ښاغلي صادق خان ویلي چې د پاکستاني پلاوي د لېږدولو الوتکې ته په هوايي ډګر کې د کوزېدو لږ مخکې خبر ورکړل شوی چې د امنیتي ګواښ له امله ناسته نشي کولی.
خو د افغانستان د ملکي هوايي چلند اداره وايي چې د کابل هوايي میدان په پینځم رمپ کې د تخنیکي ستونزې له کبله ټولې الوتنې د یو ساعت او ۲۰ دقیقو لپاره ځنډول شوې وې.
د دغې ادارې ویاند نعیم صالحي وویل: “یاده ستونزه اوس مهال له منځه تللې او ټولې الوتکې کولی شي عادي الوتنې وکړي.”
ټاکل شوې وه چې نن د پاکستان د قومي اسمبلۍ د رئيس اسد قیصر په مشرۍ پاکستانی پلاوی کابل ته سفر وکړي او له افغان چارواکو سره د کابل او اسلام اباد د اړیکو د ښه‌والي او نورو اړوندو مسایلو پر وغږېږي.
کابل کې د دغه پلاوي راتګ لپاره ځانګړی چمتوالی نیول شوی او د دغه ښار پر یو شمېر لویو واټونو باندې د افغانستان او پاکستان ګډ بیرغونه زوړند شوي دي.
له دې مخکې د افغانستان د ولسي جرګې یو پلاوي هم پاکستان ته د دواړو هېوادو د تر مننځ د اړیکو د پراختیا په هدف سفر کړی و.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *