شنبه , مې 8 2021
تازه سر ټکي
کور / خبرونه / افغانستان / د کندهار امنیه قومندان تادین خان لۀ دوه نیم کلن ماموریت وروسته لۀ خپلې دندې استعفا کړې

د کندهار امنیه قومندان تادین خان لۀ دوه نیم کلن ماموریت وروسته لۀ خپلې دندې استعفا کړې

د کندهار امنیه قومندان تادین خان له خپلي دندي استعفا وکړه او پر ځای يې ډګروال شریف نوي امنیه قومندان وټاکل شو.
تادین خان د خپل ورور جنرال عبدالرازق تر مرګ وروسته له تېرو دوو نیمو کالو راهیسې د کندهار امنیه قومندان و.
تادین خان د خپلي استعفا د اصلي لامل په اړه زیات جزئیات ندي په ډاګه کړي خو د استعفا لیک په یوه برخه کې يې ويلي چي غواړي په ملي سیاست کې شامل شي او غواړي د سولي په پروسه کې د ولس خدمت وکړي.
ده په استعفا لیک کې زیاته کړې: “د شهید ستر جنرال عبدالرازق خان اڅګزي د کارنامو ساتلو او د لوی کندهار د ولسونو او نظامیانو په غوښتنه مي دغه مسولیت منلی وو.”
دغه راز تادین خان د کندهار د امنیه قومندان په توګه د خپل ځای ناستي په اړه هم ويلي چي اوس دا مسئولیت د جنرال عبدالرازق یوه بل ملګري ډګروال سید شریف سرطیب ته سپارل شوی.
ډګروال شریف سرطیب په سپين بولدک کې د سرحدي قواو د څلورم کنډک مشري په غاړه لري چي د جنرال عبدالرازق له نږدې ملګرو څخه بلل کیږي.
سره له دې چې تادین خان نظامي تحصیلات نلري خو د دوه نیم کاله مخکې د مشر ورور ستر پاسوال عبدالرازق تر وژل کیدو وروسته د کندهار د ولسي مشرانو په پرلپسې ټينګار د ولسمشر غني له لوري د کندهار امنیه قومندان وټاکل شو او د پاسوال نظامي رتبه ورکړل شوه.
په ورته وخت کې د کندهار والي روح الله خانزاده د نوي امنیه قومندان ډګروال شریف سرطیب د معرفۍ په مراسمو کې ګډون کړی او هغه ته يې د نوي دندې مبارکي ويلې.
د کندهار د امنیه قومندان تادین خان د استعفا او پر ځای يې د نوي قومندان د ټاکل کیدو په باب مو وغوښتل چې د کورنیو چارو وزارت نظر هم واخلو خو د وزارت ویاند پدې باب کومه تبصره ونکړه.

2 تبصرې

  1. We’re a gaggle of volunteers and starting a brand new scheme in our community. Your site provided us with valuable information to paintings on. You have performed a formidable process and our whole group might be thankful to you.

  2. Nice post. I used to be checking constantly this blog and I’m impressed! Extremely helpful info specially the ultimate part 🙂 I deal with such information a lot. I used to be seeking this certain info for a long time. Thank you and best of luck.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *